الموضوع ده مش جديد على المنتديات لكن احنا نحاول نخليه مختلف
نعمل فيه (وصفات مجربه) وكمان انا اعرف متخصص
فى التجميل بالأعشاب الطبيعه ممكن ندعوه معانا يجاوب على استفثارتكم ويقولنا على وصفات طبيعه
انا يسعدنى اسمع ردودكم واقترحاتكم وارأكم فى الموضع وكمان فى الوصفات اللى هتكون موجوده معانا و ازاى نخليه القسم ده مختلف
يالا تعالي شوفي معايا الطبيعه بتعمل ايه.....................................
الخلطة دى فظيعة للجسم بتدى نعومة وبياض وريحة اية تحفة للجسم ومرة فى مرة هتلاقى
جسمك نور عموما هى بتقعد عندك حوالى شهر او اكتر يعنى اقتصادية عن كريمات الجسم
اللى بنشتريها وكمان بتغنى عن الشاور طبعا دة غير فايدتها فى تنعيم الجسم المهم
المقادير
صابونة دوف مبشورة بمبشرة البصل القديمة عارفينها
نص كوب مية ورد
5 ملاعق زيت زيتون
5 ملاعق جلسرين سايل
1 عصير لمونة
طريقه التحضر
انقعى الصابونة فى مية الورد طول الليل والصبح حطية على النار مع التقليب
لغاية ماتلاقى الصابون زى الكريم ضيفى زيت الزيتون والجلسرين وقلبى مرة واطفى
النار وبعدين ضيفى اللمونة وقلبى كويس وحطى الخليط فى برطمان زجاج
طريقه الاستخدام
ادهنى كل جسمك بالخلطة هتلاقيها زى الكريم البشرة بتشربها وسبيها اربع ساعات على جسمك
ومتخفيش من الريحة الريحة تحفة حتى لو متزوجة متخفيش جوزك مش هيهرب من البيت المهم
عند الاستحمام بلى الليفة بالمية وادعكى هتلاقى الجسم بيرغى جدا وبيطلع معاة الله ما يوريكى من
البلاوى لغاية ماتخلصى الجسم كلة منطقة منطقة وبعدين ادخلى تحت الدوش ونزلى باقى الصابون
وشوفوا بقى البياض واللمعان والنعومة كانك بيبى والله ومرة فى مرة هتبرقى زى
العروسة كدة يالة عايزة اعرف منكم النتايج
الجمعة يونيو 27, 2008 5:54 am
