المرحله الاولى (اللى يدوبك لسه متعلم يدخل النت)
و طبعا العمر يتراوح من22 الى ما فوق...و تلاقيه اول ما يدخل يقول هاى ممكن نتعرف انا فلان و من المكان الفلاني،وكأنه فيه حنفية معلومات اتفتحت، و اى حاجه تقوليها يقولك يعنى ايه مش فاهم، و بعد كل كلمه يقولك اصلي انا لسه جديد فى النت.
المرحله التانيه(اللى ببعد عن النت بس مش كتير)
النوع دا كلامه انه مشغولياته كتيره و مبحبش النت و الكلام دا و بعد ما يحكي شوي بقولك ممكن نكمل فى التليفون انا اصلى مليش خلق للكتابه و الحاجات دى.
اما المرحله التالته(اللى قاعد على النت ليل و نهار)
دا بقى مشكله تانيه و شرحه يطول و ينقسم الى:
1- المقموص
دا تلاقيه قاعد و حاطط ايده على زرار الزعل ،و اى حاجه تقوليها تبقى بتقصديه او بتقللى من شانه.
و بعد كم مره كلام ممكن يقولك اعطيني نمرة تليفونك،و لما تعتذري يقولك انا ححترم رغبتك ، و حيركبلك الوجه الخشب و من وقت للتانى هتاخدى بلوك فى وشك "فنصيحه اعطيه بلوك انتى الاول"
2-ابو دم خفيف
دا بقي شلل مركز و متعرفيش مين اللى خدعه و قاله ان دمه خفيف و كل كلامه دبش و ضحك و المفروض انك تكونى مجامله و تضحكى "بس مبنصحكيش تيجى على اعصابك".
3-المودى
دا بقى بتتنوع كل يوم، على حسب المود و حتحسي انك بتحكي مع واحد عنده انفصام فى الشخصيه، اليوم وردة و عاقل بكره لاسع و بعد يومين مفصوم بعدها كيوت و فرندلى "و طبعا الحكايه مش ناقصه جنان كفايه اللى الواحد فيه".
4-الحبيب
انا فيا جاذبيه و كل البنات بتعجب فيا......ايام ما كنت فى الجامعه.
كنت عامل ازمه و البنات بتتخانق عليا....المصيبه بقا انه اى جمله حتحكيها حيفهم انو انتى معجبه بيه اصلا"يعنى مش بمزاجك حتحبيه يعنى حتحبيه غصب عنك".
5- الناصح
صباح الصداع من اى جمله حتقوليها حتاخدى نصيحه، و فيه عرض خاص قولى جملتين و خدى اربع نصائح، العرض مستمر حتى نفاذ الكميه،......
اما بقا لو على منتدى زينا كدا...حتلاقيه بيقولك ليه حطيتى التوبيك دا؟ و ليه شلتى الصورة دى و حطيتى التانيه" انا بنصحك انك تخليه يحصل اخواته اللى فاتو يعنى بلوك و دليت".
6- حريق بنات
دا بقي لو فى منتدي او ميل جروب تلاقيه مركز على كل البنات ، و مبعملش حاجه تانيه غير كدا.
الكوميديا بقي لما بيتلخبط و يعتقد ان الاسم دا انثوى و يندمج و بعدين يطلع فى الاخر واحد صاحبه.
7- اللزقه
والنوع دا عايز حزم فى التعامل معاه. لانه كل كلامه انتى فين؟ بتتاخرى ليه فى الرد؟ انتى بتكلمى حد؟ .......طيب يا عم و انت مالك بتحشر نفسك ليه....و لو قلتيله ثوانى حيقولك ليه رايحه فيين..؟ متتأخريش؟؟ ..ايه دا انتى لسه ما جيتيش؟؟؟
8- الكداب
من اول الاسم و السن و اى معلومه اخدتيها كداب فى كداب، انصحيه و خليه يغير اسمه على الماسنجر و يسميه :مسيلمه الكداب".
9-العبيط
دا حتلاقيه على طول حاطط صورته و ذنب عليكى تتفرجى، و يشيل الصورة دى و يحط التانيه و كل شويه يفتح الكاميرا على نفسه.
10- بابا اوبح
دا ممكن يكو ن على النت من سنة 96 و اتخرج و اشتغل و اجوز و جاب ولاد ولسه قاعد يتعرف على البنات،و كل ما يكلم واحده يقنعها انه مش متجوز و بيدور على عروسة، ولو جربتى كل يوم تدخلى بايميل غير التانى، حتسمعى قصة حياته كل يوم مختلفه. | 
الخميس يوليو 03, 2008 9:37 am
