..:: MaDoRaDwAn ::..
Admin
عدد الرسائل : 351
تاريخ التسجيل : 24/06/2008
 | موضوع: حكاية مصرى معاه ربع جنيه...!!  الخميس يوليو 03, 2008 11:46 am | |
| مصري كان معاه ربع جنيه..
ففكر يعمل بيه إيه..
يشرب عصير قصب و لا يركب الأتوبيس فقال :
أنا لو ركبت الأتوبيس يبقي في حل من اثنين:
إما بقف أو بقعد
لو وقفت مش راح يبقي في أي مشكلة
لكن لو قعدت راح يبقي في حل من اثنين:
إما بيقعد جنبي راجل أو تقعد جنبي ست
أما لوقعدت بجانب راجل مفيش مشكلة
لكن لو قعدت بجانب ست يبقي في حل من اثنين :
إما هنعجب ببعض يإما مش هنعجب ببعض
لو ما أعجبناش ببعض مفيش مشكلة
لكن لو أعجبنا ببعض يبقي في حل من اثنين:
يإما هنتجوز يأما مش هنتجوز
لو ما إتجوزناش مفيش مشكلة
لكن لو إتجوزنا يبقي في حل من اثنين:
ياإما نخلف يا إما مش هنخلف
لو مخلفناش مفيش مشكلة
لكن لو خلّفنا يبقي في حل من اثنين :
يإما هنخلف ولد أو بنت
لو خلفنا بنت مفيش مشكلة
لكن لو خلفنا ولد يبقي في حل من اثنين:
يإما يستقيم أو ينحرف
لو إستقام مفيش مشكلة
لكن لو انحرف يبقي في حل من اثنين:
ياإما يدمن أو مش هيدمن
لو مأدمنش مفيش مشكلة
لكن لو أدمن يبقي في حل من اثنين:
ياإما يبقي معاه فلوس أو مامعهوش
لو كان معاه فلوس مفيش مشكلة
لكن لو كان عايز فلوس يبقي في حل من اثنين:
يا إما هيسرقني أو هيقتلني
لو سرقني مفيش مشكلة لكن لو قتلني ..
... يقتلني ؟؟!!!!!!!!!
لا ياعم أنا أشرب عصير القصب أحسن | |
|
