..:: MaDoRaDwAn ::..
Admin
عدد الرسائل : 351
تاريخ التسجيل : 24/06/2008
 | موضوع: حلقة من برنامج حوارى هادف  الخميس أغسطس 21, 2008 11:34 am | |
| احدي حلقات برنامج حواري (هابط) قصدي هادف
علي قناة ما بتجيش علي الايريال السكة بتاعكم لكن حبل غسيلنا بيلقطها
تردد القناة : وتتردد ليه يا ضنايا هو كان عيب ولا حرام مثلا تشوف برامج كلها خرفشة
لقاءنا اليوم مع المخرجة العبقرية اناناس الدرديري
أجرى اللقاء : بلالا الشرقاي الشهير بــ (الجعر)
****************************************
بلالا : أنا أولا عايز أبدي إعجابي بجمال حضرتك.. ورقتك .. و زوقك .. و لبسك .. ولون شنطتك .... ونفخة حضرتك ...... وكععب جزمتك ...
اناناس : لا بس كده كفاية انا بتكسف
بلالا : اه ماهو باين
اناناس: أنا طبعا عارفة إن كل الناس معجبة بأفلامي لأني بطرح طرح جرئ لسلبيات المجتمع و مهلبياته ، والابعاد الواقعية لطبق الملوخية
بلالا : ممكن توضحيلنا أكتر
اناناس : يعني مثــلا.. في العشر سنين اللي فاتو شفت بنات كتير اتحجبت .. (تقولش عمل يا اخويا واتعملهم )
وبعدين
في موضة غريبة انتشرت آل ايه البنات بطلوا يعرفوا ولاد ..و معني الصداقة
البريئة و الخروجات الصافيه و الرحلات الخلوية بين الشباب والبنات راحت ..
البراءة راحت. أنا صدمت..
فين أيام الميني جيب .. و البوي فريند .. والبوسات البريئة.. يااااه الدنيا خربت
بلالا
: بس وحياتك يا اناناس .. لحسن قلبتي عليا المواجع و فكرتيني بأيام زمان
.. أيام ما كنا في سنة اولي (عولمة) كانت ايامها (الصياعة) ليها مبادئها و
(الانحراف) يحمل (بصمة) كل منحرف
اناناس : عن ازنك .. لازم نخلص دلوقتي عشان عندي معاد مع بطل الفلم الجديد عشان نتكلم عن القضية الوطنية الجديدة اللي هنحارب بيها
بلالا : وياتري الفيلم بيحكي عن حاجات زي المواضيع الساخنة اللي بنار الفيلم يا بطاطا اللي عودتينا عليها ؟
اناناس : طبعا الفيلم عن الفساد في المجتمع العربي وانحرافات المواطنين وبعدهم عن المبادئ والقيم
بلالا : تسمحي لنا نعرف اسمه ولا هتعمليه لنا مفاجئة ؟
اناناس: مفاجئة ايه يا عينيا هو انا جاية عيد ميلاد ولا برنامج تليفزيوني
بلالا : طيب ممكن نعرف اسم الفيلم العظيم ؟؟
اناناس : " لا للأنانية .. تحت البطانية "
---------------------------------------------------------
| |
|
